Ad Banner
Ad Banner
Ad Banner
Ad Banner

Prishtina fiton në Prizren, Bashkimi bie nga pozita e parë

21:14 | 2 Shkurt 2025
D.H

Sigal Prishtina fitoi ndaj Bashkimit në Prizren me rezultat 71:77 (25:18, 13:29, 12:16, 21:14), në javën e 20-të të ProCredit Superligës.

Të përkrahur nga tifozët vendas, prizrenasit e nisën sfidën më mirë, duke fituar çerekun e parë, 25:18. Por, bardhekaltrit u rikthyen shpejt, duke bërë përmbysjen dhe shkuan në pushim me nëntë pikë epërsi 38:47.

Bardhekaltrit për një nuancë ishin më të mirë edhe në periudhën e tretë, 12:16, derisa vendasit u munduan të rikthehen në dhjetë minutat e fundit, por nuk ia arritën qëllimit dhe kryeqytetasit fituan 71:77.

Më i miri te vendasit ishte Wendell Green me 17 pikë, katër kërcime e gjashtë asistime, ndërsa te mysafirët më i miri ishte Rashid Mahalbashiq me 11 pikë e 13 kërcime.

Bashkimi ka 14 fitore e gjashtë humbje, ndërsa Sigal Prishtina ka 12 fitore e tetë humbje.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm